يا قلب محمود محمد مدني

يا قلب انا كنتا قايلك تبت من تعب السفر
ومن مباراة القماري ومن شراب موية المطر
تاريك كامن لي بي شيتا كتر
ما زمان انا وانتا لفينا المواني
بالقطارات والمطارات والسفن
دقينا اجراس الجديد
وعدنا ترتيب المعاني
الليلة راجع لي تبقبق
تكتم الاااااه وترقرق
زي تقول يادوب عرفت الاندهاش
ياقليب مالك علي
وانتا عارف نقطة الضعف القديمة
وزي ضايق الارتعاش
يا قليب ياما سرحنا
مرة جينا والف رحنا
مرة شاي عصرية في طرف لغمامة
ومرة منديل مزقي حنا
ومرة حاجاتا اجنا
وانحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحنا شايفين الفنارة