بيتزا

انشاء الله تسلمي ياريم المهدي وعلى رائ الاخوان الخليجيين صح لسانك
وده احلى بيتزا ليعيونك
المكونات
1 دقيق ثلاث اكواب
2 ثلاث ملاعق زيت يفضل زيت الزيتون
3 ملعقة كبيرة خميرة
4 كوب زبادي
5 قلييل من الماء
6 ملعقة صغيرة ملح
7 ملعقة صغيرة سكر
ااطريقة
نضع الدقيق والخميرة والسكر ثم الملح مع بعض في زبدية
نضيف الزيت ونفرك المكونات مع بعض
نضيف الزبادي ونعجن ونبداء باضافة الماء بالتدريج
بعد دلك نبداء بي عجن العجينة لمدة عشر دقائق
الى ان تصبح طرية ومتجانسة وتترك جانبا
طبعا ممكن تستغربو من حكاية العجن لمدة خمس او عشر دقائق
ولكن هي عملية تساعد على طراوة البيتزا في النهاية
وعملية التخمر ايضا
تترك العجين لمدة نصف ساعة ثم ترق ويوضع عليها الصلصة
والحشو والجبن
طريقة اعداد الصلصة
تضعي طماطم في ماء وتضعيها على النر للسلق مع بصلة وبعض الثوم وقلييل من الزيت
ثم بعد ان تسلق جيدا تخلط المكونات وتصفى
وتوضع على النار في قليلل من الزيت مع اضافة ملعقة من الصلصة وتضيفي الملح والفلفل والزعتر البري ادا حبيتي
وتتركيها الى ان تتسبك جيدا
تاخدي بالمقدار الدي تريديين وتضعيه على العجينة وبالنسبة للحشو برضو يمكن ان تختاري اي شئ ممكن شرائح من الفلفل الاخضر والبصل والطماطم والزيتون والفطر ثم يوضع عليها الموزريلا مع تجنب الاطراف وتدخل في فرن حار وبالهناء والشفاء

ياخوانا أرجوا أن تراعوا مشاعرنا.... حسى الزعتر البري دا بجيبوهو من وين؟ ... وحسي لو مشيت لي سيد الدكان وقلتليهو اديني زعتر بري قام أداني زعتر بحري أنا حا افرق بيناتم كيف ؟؟؟... أنا بتخييل أنو الزعتر البحري بيكون لين وفيهو موية بحر.. والبري عكس كدا... الزعتر دا شنو ؟ ..... بعدين الموزرلا دي شنو .. نحنا بنعرف الموز .. لكين رلا دي جديدة وما سمعنابيها .... أنا بعرف باقي المكونات المكتوبة , والمكونات دي بعملو بيها أكلة سودانية لزيزه أسمها قراصة بالدمعة

الاخ محمد الفضل معاك حق الموضوع كده مع الامكانات البلدية صعب شوية وخصوصا حكايت الزعتر البري مش
اسمع يا محمد نصيحة من ربة منزل في الطبخ لازم تكون مرن يعني مثلا الزعتر البري ده مجرد نكهة ادا ماعندك مش شرط
المزريلا نوع من الاجبان ادامافي يمكن ان تستخدم اي نوع من الاجبان لكن المزريلا هي البتميز البيتز
وادا مافي جبنة ولا حتى صلصة برضو ما مشكلة العجينة ما حتقول لا استخدمها كعجينة للفطائر يعني قطعة الى دوائر وافرد واحشي
حتقول احشي بي شنو انا اقول ليك اي حاجة جبنة من الدكان او لحمة مفرومه معسجة جيدا يعني مسويها في النار بي شوية بصل وثوم وبهار الجبنة برضو ممكن تضيف ليها شطة وتحشيها او ادا كنت من عشاق الخضروات قطع شوية خضروات اقليهم في شوية زيت وتبلهم جيدا واحشي بيهم العجينة

اه يا محمد شفت الموضوع ما صعب وممكن اي واحد يخارجو بالطريقة التريحو وفي حدود المتاح
بالجد يا محمد انا بحيك على روحك المرحة ومشاركتك الدائمه معاي فالف شكر

معليش أختي عابدة الرحمن طولت مادخلت علي مطبخك نسبة للمشغوليات وانا بحب البيتزا مووووووووووت وسلمت يداك