هل عجزت حواء الأشعة عن ولادة فتا يملأ المنتدى قمحا ووعدا وتمنى

يبدوا أن الفيس بوك قد دخل على المنتديات (بالساحق والماحق والبلاء المتلاحق ) فتفسبك الجميع وتركوا المنتدى قاعا صفصفا وأقتصر نشاطه على بعض الأخبار الحزينة وهذا لعميري درك سحيق ما خطر على بال د عوض وهو ينشئه فقد سهر الليالي (ليلة بعد ليلة) حتى تمكن من الأتصال بالأعضاء داعيا الي سبيل المشاركة
‏ ولكن يبقى السؤال لماذا أصبح المنتدى دون مشاركة ؟
هل لان زمان الكلام مضى وأتى أون العمل ؟ أم لأن الاحباط أصبح صاحب القدح المعلى في ميسر الحياة؟
ولماذا نجح أخرون في التمسك بمنتدياتهم رغم الفيس ؟‎ ‎
وهذه دعوة للنقاش في كيفية تنشيط المنتدى
هل جعله منتدى علمي خالص يتناول علوم الأشعة بالتحليل والتبسيط لمساعدة طلاب الأشعة والخرجين في التزود بالعلوم ورفع المستوى يجعله أكثر جدوة؟
هل جعله منتدي سياسي صريح يتجادل فيه الأعضاء في السياسة يجعله أكثر شعبية ؟
أما أن أضافة كلبات لفنانات لبنانيات متخشلعات يجعله أكثر شبابا؟
أم ..أم .. أم؟

أحححح والله يا أخي ودالفضل أنني لدي حساب في الفيس بوك قبل أن ان أنشئ هذا المنتدي وصراحة ماحبيت ادخال الاشياء المهنية في التواصل الاجتماعي بالفيس بالرغم من ان عدد المشتركين فيه اكبر ولان الغرض من الفيس بوك اجتماعي بحت ومن ثم استفاد منه جمهور المتسوقين من شركات ومؤسسات تبتغي الانتشار الاكبر وقد نجحت في تحويله الي وسيط اعلامي تسويقي لم يخطر علي بال مؤسسه نفسه؟!!
بس الماخطر ببالي انا ياصديقي العزيز أنه ممكن الواحد يدخل ويسجل في هذا المنتدي أكثر من 300 عضو والمتفاعلين فيه فقط من الأعضاء يتعدون باقل من أصابع اليد الواحدة بالرغم من أن المنتدي هذا كان له دور كبير في ايجاد فرص عمل للكثيرين ولله الحمدلانمن عليهم ولكن نتمني الخير لهم والرازق هوالله بس الناس تخلي السلبية دي من اجل النهوض بالمهنة وبالمناسبة بطرح نفس سؤالك وبتمني ايجاد اجابة له(ولكن يبقى السؤال لماذا أصبح المنتدى دون مشاركة ؟
وانشاءالله يكون اون العمل هو الاجابة كما اجبت
وغايتو ..جنس غايتو
ولماذا نجح أخرون في التمسك بمنتدياتهم رغم الفيس ؟‎ ‎
وهذه دعوة للنقاش في كيفية تنشيط المنتدى
هل جعله منتدى علمي خالص يتناول علوم الأشعة بالتحليل والتبسيط لمساعدة طلاب الأشعة والخرجين في التزود بالعلوم ورفع المستوى يجعله أكثر جدوة؟
وعلي دروب الخير نلتقي

الأحباط يا دكتور
هل للأحباط دواء؟
وقديما قلنا (دربا طويل ما فيهو شى)

قلنا شنو قبل كدة؟؟؟!!!
وفتش العلاج في هذا المنتدي فقبل كدة وصفناه واذا مالقيته يمكنك الاستعانة بصديق
وقديما قلنا (دربا طويل ما فيهو شى)..!! ده قديم جنس قدم
غايتو جنس غايتو

ما شاء الله وربنا يحفظهو دا منو من الأبناء الفي الصورة ؟ يشبهك شديد (نفس الوجاهة)

دربا طويل ما فيو شئ * والسكة طين ما بتتمشي
واقف عليهو خفير طويل * كيتا عليك صاري الوشي
‏@@@
دربا طويل شارع ظلط* مليان حوادث وسير غلط
لو قلت تنبح فيهو يوم * حا تلقى حلقك إنشرط

محمد الفضل كتب:ما شاء الله وربنا يحفظهو دا منو من الأبناء الفي الصورة ؟ يشبهك شديد (نفس الوجاهة)

الله يخليك ومشكوووور علي المرور والتعليق..وده (محمد) عشان ما جبت ليه الهدية؟!وحظي اذا كنت وجيه زي الوجاهة دي
وبالمناسبة وين صور اولادك والله نفسي اشوفهمياريدك تبلل لينا الشوق ده بصورهم الي ان يسهل لينا ربنا شوفتهم

محمد الفضل كتب:دربا طويل ما فيو شئ * والسكة طين ما بتتمشي
واقف عليهو خفير طويل * كيتا عليك صاري الوشي
‏@@@
دربا طويل شارع ظلط* مليان حوادث وسير غلط
لو قلت تنبح فيهو يوم * حا تلقى حلقك إنشرط

رأيك شنو واليوم عمر المنتدي بالضبط 3 سنوات (تاريخ الولادة 25/مايو 2010م)
تقولي شنو وتقولي منو

كل سنة والمنتدى طيب ... ٢٥ مايو يا راجل ... !! برضو الحمد لله الما كان عيد ميلادو في ٣٠يونيو

محمد الفضل كتب:كل سنة والمنتدى طيب ... ٢٥ مايو يا راجل ... !! برضو الحمد لله الما كان عيد ميلادو في ٣٠يونيو

أحسن ما نتكلم في السياسة..